© ALDAA.MN 2011-2022
9-р сарын 29, Пүрэв
Улаанбаатар хот

Долдугаар сарын эцэст төгрөгийн хадгаламж ₮13 их наяд болж, өмнөх оноос хоёр тэрбум төгрөгөөр буурчээ

Mөнгөний нийлүүлэлт (M2) 2022 оны долдугаар сарын эцэст урьдчилсан гүйцэтгэлээр 27 их наяд төгрөг болж, өмнөх оны мөн үеэс 414.4 (1.5%) тэрбум төгрөгөөр буурсан болохыг Үндэсний статистикийн хорооноос мэдээллээ.

Ийнхүү буурахад, 

  • Төгрөгийн хадгаламж 2.1 (13.7%) их наяд төгрөгөөр
  • Хадгаламжийн байгууллагаас гадуурх мөнгө 93.8 (11%) тэрбум төгрөгөөр буурсан нь нөлөөлсөн байна.

Гүйлгээнд гаргасан бэлэн мөнгө тус сарын эцэст урьдчилсан гүйцэтгэлээр нэг их наяд төгрөг болж, өмнөх сараас 3.2 (0.3%) тэрбум төгрөгөөр, өмнөх оны мөн үеэс 88.8 (7.9%) тэрбум төгрөгөөр буурсан аж. 

Мөн төгрөгийн хадгаламж долдугаар сарын эцэст 13.3 их наяд төгрөг болж, өмнөх сараас 517.8 (3.8%) тэрбум төгрөгөөр, өмнөх оны мөн үеэс 2.1 (13.7%) их наяд төгрөгөөр буурсан үзүүлэлттэй гарчээ.

Төгрөгийн хадгаламжийг харвал:

  • 89.8 хувь (11.9 их наяд төгрөг) нь иргэдийн хадгаламж,
  • 10.2 хувь (1.4 их наяд төгрөг) нь аж ахуйн нэгж, байгууллагын хадгаламж аж. 

Валютын хадгаламж 4.5 их наяд төгрөг болж, өмнөх сараас 11.5 (0.3%) тэрбум төгрөгөөр буурч, өмнөх оны мөн үеэс 354.1 (8.5%) тэрбум төгрөгөөр өсжээ.

Шинэ мэдээ
Их уншсан
цааш үзэх
Уншиж байна ..